Máksinávžžuhusreive

Máksinávžžuhus lea gáibádus. Dat mearkkaša dávjjimus ahte priváhtaolmmoš dehe fitnodat anilda ahte dus lea ruhtavealgi.

Mii lea máksinávžžuhus?

Dávjjimus go oaččut reivve mis, go priváhtaolmmoš dehe fitnodat anilda ahte dus lea ruhtavealgi.

Reive lea gáibádus, dat mearkkaša máksinávžžuhus. Reive sáhttá siskkildit maid juoga eará, omd.:

• ahte it leat máksán iežat láiggu – dalle láigoheaddji sáhttá ohcat min luhtte ahte don galggat áddjojuvvot.
• ahte soamis háliida ahte buvttát ruoktot diŋggaid maid leat luoikan.

Maid galggat dahkat jus dus lea vealgi?

Jus dus lea vealgi – mávsse dan dakkaviđe dasa geasa dus lea vealgi dehe áirasii. Áirras lea olmmoš, geas lea bargun doaimmahit juoidá soapmásii.

Jus it bastte máksit?

Jus it bastte máksit, du vealgi boahtá min lusa. Vealgi registrerejuvvo min registarii.

Jus anát ahte gáibádus lea vearrut?

Jus anát ahte dus ii leat vealgi galggat čállit midjiide ja čilget man anildat vearrut- dalle šiittát gáibádusa.

Muitte čállit iežat

• persovdnanummara ja
• áššenummara.

Áššenummir lea gáibádusreivves, dat mearkkaša máksinávžžuhusas.

Manin lea dehálaš ahte láhttet?

Jus it váldde aktavuođa minguin mii mearridit lea vealgi ja leat geatnegas máksit dan. Du vealgi registrerejuvvo min registarii. Dat lea ággan ahte galggat váldit aktavuođa minguin jus anát ahte vealgi lea vearrut. Nubbi reive man sáhtát oažžut mis siskkilda ahte dus lea vealgi máksit.