Ljil bašo angloplatibaskoro vakeribe

Jek platibaskoro anglovakeribe i jek rodibe. Odova značinela kaj obično jek prifatno manuš ja pale jek firma smatrinela kaj sian olenge borči love.

Soj odova jek angloplatibaskoro vakeribe?

But vare keda avela tuke jek ljil amendar tegani jek prifatno dženo ja pale jek firma smatrinela kaj sian olenge borči love. Odova ljil i platibaskoro rodibe, mangela te phenel pe angloplatibaskoro vakeribe. Ko odova ljil šaj te vakerel pe hem bašo javera buča, ko primer:

• so na platindžan tli masekoskiri kirija – tegani e zgradakorogazda rodela amendar tu te ove ikaldo e stanestar
• džiko mangela te irane o buča so leljan džikastar udžule (uzaem).

So ka kere te isi tut jek borči?

Te isi tut jek borči – platin ole sigate okoleske so sian borči ja pale oleskere reprezentateske. Jek reprezentanti i jek dženo soj leske dindo te kerel jek buti taro javer džiko.

Našti te platine?

Keda našti te platine tegani tlo borči avela amende. O borči registririnela pe ko amaro registri.

Mislinea kaj o platibaskoro rodibe i načačo?

Te mislinea kaj nane tut borči tegani trebela te pišine amenge hem te haljovkere kaj odova nane čače – tegani tu mamujmarea odova platibaskoro rodiba.

Ma bistre te pišine tlo

• personalno genj(broj) hem
• proceseskoro genj (broj).

E proceseskoro genj terdžola ko rodibaskoro ljil, mangela te phenel pe ko angloplatibaskoro vakeriba.

Soske i važno te reagirine?

Te na kontaktirindžan amen tegani amen čhinavaja (odličinja) kaj isi jek jek borči hem tegani tu mora te paltine ole. Tlo borči registririnela pe ko amaro registri. Odoleske te mislineja kaj o borči nane čačo trebela te kontaktirine amen. O javer ljil so šaj te avel tuke amendar šaj te ovel jek ljil kaj isi tut jek borči te platine.