Tlo borči šaj te ovel doldo taro sekretesi

O borči so isi tut ki amende šaj te ovel doldo taro sekretesi, odova šaj te ovel hem bašo javera buča ki amende, ko primer ikalibe e kherestar/stanestar. Tegani o podatke nane phravde. Odova značinela kaj na mukhaja avri o podatke.

Sar šaj kerea te del pe tuke sekretesi

Tu našti te rode skretesi. O borči ovela automatikane telo sekretesi keda pherena pe disave preduslovija. O borči te ovela čhivdo telo sekretesi tegani odola podatke sortirinena pe ko krediteskiri informacijakere firme.

Save preduslovija rodena pe bašo odova?

Odova i samo okola borčija so sine bašo sprovedibe ko Kronofogden so šaj te del pe olenge sekretesi. Taro 1 december 2018 o regularija bašo odova ule javer.

Akala buča mora te pheren pe kaj te šaj o podatke bašo jek borči te ovel učhardo taro sekretesi:

• Tut nane disavo borči soj registririmo ko palune duj berša.
• Tu platindžan e borčeskiri suma hem i kamata hem te isi eventualno harinibaskiri taksa hem fundamentalno taksa, ja pale okova so rodela te platinel pe oleske cidindža palal o rodibe love.
• Tut nane nevo borči ko avutne duj berša palo odova so o borči ulo učhardo taro sekretesi.

Te platindžan ko primer jek borči bašo naplatimo porezi, izdržibaskere love ja pale vrdapaldibaskere/parkiribaskere kazne (generalno borčija) ko platibaskoro lileskoro vreme, odole borčeskere podatke uvek ka oven učharde sekreteseja. Odova važinela samo bašo fizikane džene, mangela te phenel pe prifatno džene so nane olen firme hem isi olen borčija samo e phuvjake, komunake ja pale e landstingeske kola i registririme ko Kronofogden palo 1 decembar 2018.

O Sekretesikane regularija važinena hem te ale javera borčija ko palune duj berš. Te platindžan tlo borči palo o vreme so terdžola ki beleška hem te alo tuke nevo borči tegani o purano borči našavela plo sekretesi te na platindžan o nevo borči odole vremeske sar so terdžola ki beleška.

Podatke so na ovena nisar učharde taro sekretesi

Isi disave podatke so našti dela pe olenge sekretesi ko Kronofogden. Odova i borčija bašo prifatno manuša hem firme. Akala borčija ovena amende zorakerde odolea so anela pe jek rešenje kaske so vakerela pe odluka (utfal). Jek asavko rešenje našti nisar te ovel telo sekretesi.

Sa amen so čhinavaja (odlučinaja), ko primer raportija bašo amare istrage (rodkerina) bašo odova so isi tut ja pale čhinaviba bašo konfiskiribe, olenge na dela pe sekretesi. Asavke rešenja šaj te na aven tuke – te platindžan tle borčija, tegani amen na trebela te kera istrage/rodkerina.

So ovela te na pherdžan o preduslovija?

Te na pherdžan o preduslovija tegani tle borčija ovena phravde e sarinipaske.

Buteder informacija hem jek lista bašo kreditengere informacijakere firme šaj dikheja ko Kompjuterikane inspekcijakoro (Integritetsskyddsmyndigheten) webbthan.