Meän tehtävä

Meilä oon selvä tehtävä. Met autama sitä joka ei ole saanu maksoa ja met annama tukea ja neuvoja sille joka pittää maksaa. Met huolehtimma kansa ette maksot tehhään oikeuenvarmala laila. Se oon hallitus joka vuosittaisin päättää kunka met piämä tehhä meän tehtävät ja mitä met piämä priuriteerata.

Tehtävä hallitukselta

Hallitus antaa meile meän tehtävät Säätänössä jossako oon ohje Kruunufoutiviranomhaiselle. Säänöspreivissä seisoo millä laila met piämä tehhä meän tehtävän ja mitä met piämä priuriteerata vuen aikana. Hallinon tehtävä meile oon ette met piämä:

  • auttaa varmistamhaan finansieerinkiä julkisesta sektorista,
  • auttaa hyvin toimivan yhtheiskunnan saavuttamisheen kansalaisile ja elinkeinoelämälle,
  • vastustaa rikolisuutta

Tehtävvää met jaama Veroviraston ja Tulliviraston kansa.

Kunkas met sen tehemä?

Met tehemä meän tehtävät huolehtimalla ette se, jollako oon oikeus saaja makson, saapii sen. Se saattaa olla viranomhaiset, kunnat, yrittäjät elikkä privattihenkilöt jokka tahtovat meiltä apua ette saaja maksetuksi.

Met annama kansa tukea sille joka pittää maksaa hänen velkoja ja huolehtimma ette maksot tehthään oikeuenvarmala laila. Sen met tehemä muun muassa tekemällä töitä estävästi, tarjoamalla velkasanerausta ja auttamalla ko oon kyse riioista jokka ei koske maksoja, esimerkiksi ko oon kyse ette kyörätä jonku pois.

Met emmä koskhaan ota kantaa kenheen eestä, emmäkä vastusta kethään jokka asihaan kuuluvat.

Mitäs muuta met tehemä?

Mutta met tehemä paljon muuta. Tässä tullee esimerkkiä joistaki meän muista työtehtävistä:

  • Se joka oon pahoin velassa saatta hakea velkasanerauksen meiltä. Met annama tukea niin ette se velotettu saattaa tulla takashiin elähmään ilman velkoja.
  • Met yhtheistoimima eri viranomhaisitten, yrityksitten ja organisasuunitten kansa ette vähentää määrää ylivelotettuja yhtheiskunnassa, niin sanottu vähentää sitä ryhmää jollako oon enämpi elikkä vähempi vakituiset ongelmat ette maksaa heän velkoja.
  • Met tarkastamma konkursihoitajan hantteerausta konkursista.
  • Met tehemä työtä ette lisätä tiolisuutta privattiekonomiistä nuoritten ja täysitten kesken.
  • Met olema osalistunheet ko joku joka ei ole maksanu hänen hyyryä kyöräthään pois.
  • Met olema eksperttiviranomhainen jollako oon paljon tietoa velanoton vaikutuksista, niin yhtheiskunnale ko yksityisele intiviitile. Met annama tukea ja rahotamma niin ommaa ja ulkopuolista tutkintoa ette lisätä meän tietoa.

Sammanfattning på svenska

Vårt uppdrag

Vi har ett tydligt uppdrag. Vi hjälper den som inte fått betalt och vi ger stöd och råd till den som ska betala. Vi ser också till att betalningar sker på ett rättssäkert sätt. Det är regeringen som varje år bestämmer hur vi ska utföra vårt uppdrag och vad vi ska prioritera.

Uppdrag från regeringen

Regeringen ger oss vårt uppdrag i Förordningen med instruktion för Kronofogdemyndigheten. I regleringsbrevet står det hur vi ska utföra vårt uppdrag och vad vi ska prioritera under året. Regeringens uppdrag till oss är att vi ska:

  • bidra till att säkerställa finansieringen av den offentliga sektorn,
  • bidra till ett väl fungerande samhälle för medborgare och näringsliv,
  • motverka brottslighet.

Uppdraget delar vi med Skatteverket och Tullverket.

Hur gör vi det?

Vi genomför vårt uppdrag genom att se till att den som har rätt att få betalt får det. Det kan vara myndigheter, kommuner, företag eller privatpersoner som ansöker om vår hjälp med att få betalt.

Vi ger även stöd till den som ska betala sina skulder och ser till att betalningar sker på ett rättssäkert sätt. Detta gör vi bland annat genom att arbeta förebyggande, erbjuda skuldsanering och genom att hjälpa till vid tvister som inte rör betalning, till exempel i samband med en vräkning.

Vi tar aldrig ställning för eller emot någon av de inblandade.

Vad gör vi mer?

Men vi gör mycket mer. Här kommer några exempel:

  • Den som är svårt skuldsatt kan ansöka om skuldsanering hos oss. Vi ger stöd så att den skuldsatta kan komma tillbaka till ett liv utan skulder.
  • Vi samverkar med olika myndigheter, företag och organisationer för att minska antalet överskuldsatta i samhället, det vill säga minska gruppen som har mer eller mindre permanenta problem med att betala sina skulder.
  • Vi granskar konkursförvaltarnas hantering av konkurser.
  • Vi arbetar för att öka kunskaperna om privatekonomi bland unga och vuxna.
  • Vi är inblandade när någon som inte har betalat sin hyra ska vräkas.
  • Vi är en expertmyndighet med stor kunskap om skuldsättningens effekter, både för samhället och för den enskilda individen. Vi stöder och finansierar både egen och extern forskning för att öka vår kunskap.