Preivi maksomääräyksestä

Maksomääräys oon vaatimus. Se merkittee usseimiten ette privattihenkilö elikkä yritys meinaa ette sie olet heile velassa rahhaa.

Mikäs maksomääräys oon?

Usseimiten ko sie saat meiltä preivin, yks privattihenkilö elikkä yritys meinaa ette sie olet heile velassa rahhaa. Preivi oon vaatimus, niin sanottu maksomääräys. Preivi saattaa kansa olla jostaki muusta, esimerkiksi:

• ette sie et ole maksanu sinun hyyryä – silloin hyyryväärti saattaa hakea meiltä ette sinun pittää kyörätä pois
• ette joku halvaa ette sie jätät takashiin kampheita joitako sie olet lainanu.

Mitäs sie piät tehhä jos sulla oon velka?

Jos sulla oon velka – maksa se varsin sille jollekko sie olet velassa elikkä asiamiehele. Asiamies oon henkilö jollako oon tehtävännä ette tehhä jotaki jollekki muule.

Etkos sie saata maksaa?

Jos sie et saata maksaa, sinun velka tullee meile. Velka rekistreerathaan meän rekisterhiin.

Tykkääks ette vaatimus oon väärä?

Jos sie tykkäät ette sulla ei ole velkaa sie piät kirjottaa meile ja selvittää mitä sie tykkäät oon väärää– silloin sie vastustat vaatimusta.

Muista kirjottaa sinun

• henkilönumero ja
• asianumero.

Asianumero seisoo preivissä vaatimuksesta, niin sanotussa maksomääräyksessä.

Miksis se oon niin tärkeätä ette sie akeraat?

Jos sinusta ei kuulu mithään meile met päätämä ette oon olemassa velka ja ette sulla oon velvolisuus maksaa sen. Sinun velka rekistreerathaan meän rekisterhiin. Se oon syy siiheen ette sinun pittää ottaa meän kansa yhtheyttä jos sie tykkäät ette velka oon väärä.

Seuraava preivi jonka sie saatat saaja meiltä oon siittä ette sulla oon velka maksaa.