Jus dus lea riekti oažžut mávssu– váldde aktavuođa minguin

Jus soapmásis lea vealgi dutnje man son ii mávsse? Jus dus lea riekti oažžut mávssu, don sáhtát oažžut doarjaga Ruvnnafálddis.

Goas don sáhtát oažžut doarjaga?

Jus leat lonen ruđa ja velggolaš ii mávsse vealggis, sáhtát oažžut doarjaga mis. Don sáhtát jorgasit min beallái, ovdamearkka dihte čuovvovaš diliin:

• soamis ii mávsse iežas rehkega dehe,
• dat gii láigu lanja dehe orohaga , ii mávsse láiggus.

Gii sáhttá oažžut veahki?

Buot geain lea riekti oažžut mávssu sáhttet jorgasit min beallái.

• stáhta,
• gielddat,
• fitnodagat ja
• priváhtaolbmot.

Maid mii dahkat?

Mii sáhttit veahkehit du mearrádusa oažžumis ahte velggolaš lea geatnegas máksit vealggi dutnje.

Jus dus lea juo dakkár mearrádus sáhtát ohcat ahte mii olggosmihtidit bálkká dehe eará opmodaga das geas lea ruhtavealgi dutnje. Dan mii gohčodit ollašuhttimin. Dalle bargoaddi geassá ruđa velggolačča bálkkás dehe mii sáhttit vuovdit su opmodaga. Ruđat mannet vealggi máksimii.